2000 жылдың қыркүйегінде БҰҰ бас ассамблеясының сессиясы аясында мемлекеттер мен үкіметтер басшылары Мыңжылдық декларациясын қабылдаған. Құжатта дамудың кедейлік пен аштықты жою, денсаулықты жақсарту, білім алуға қол жеткізуі мүмкіндігін арттыру және қоршаған ортаны қорғау секілді сегіз нақты мақсаттары айқындалған еді. Қазақстан экологиялық салада да қарымды қадамдар жасап – Киото хаттамасын бекітті, энергияның балама көздерін дамыту туралы бірқатар бағдарламалар мен арнайы заң қабылдады.

Навид Ханиф, БҰҰ экономикалық және экологиялық мәселелер жөніндегі департаменті жоспарлау бөлімінің басшысы:
- Нью-Йорктегі бұл кеңес – өз мойындарына тиісті міндеттер жүктеген елдердің тиімді ынтымақтастығын нығайтатын шара. Бұл кездесуге Қазақстанның қатысып отырғанын жоғары бағалаймыз, өйткені ол БҰҰ-ның Қазақстан мен басқа елдерге мыңжылдық даму мақсаттарына межеленген мерзім – 2015 жылға қарай қол жеткізу тұрғысынан қолдау көрсете алатын салаларды айқындап беруге көметеседі.

Кеңестің басты міндеті – мыңжылдық даму мақсаттарына қол жеткізуге қатысты жинақталған тәжірибелермен бөлісу. Сонымен қатар, кеңес барысында сарапшылар аталған мақсаттарға қол жеткізудің ең тиімді механизмдерін табуға қатысты пікір алмасты.