Таразда дзюдодан жасөспірімдер арасында Қазақстан біріншілігі аяқталды. Алты жүз өренді жинаған өлке он алты салмақ дәрежесі бойынша чемпион атанғандарды анықтады. Қыздар жеті салмақ бойынша күресті. Қырық келіде жергілікті спорт-интернат шәкірті Азинат Қажу алтын медаль алды. Азинат финалда қостанайлық Киселевадан басым түсті. Келесі салмақта Ләйла Қоныспаева чемпион атанды. Әсел Қайсарова мен Аида Садықова да жарыс жеңімпаздары. Балғын жігіттер белдесулерінде Мейірлан Баймағамбетов топ жарды. Елу келілік салмақта ешкімге дес бермеген Мейірлан финалда алматылық Үсеновті жеңген. Елу бес келілікте Жанас Ұсабаев алтын медаль иеленсе, одан кейін Ерасыл Сәкенұлы жеңіс тұғырының ең биік сатысына көтерілді. Жамбыл облысының өкілі Нұрдәулет Ораз жақсы күресіп еді, жартылай финалда сүрінді. Ораздың салмағында Сержан Қалдар чемпион атанды. Бейресми командалық есепте Оңтүстік Қазақстан облысының командасы алға шықты. Алматылықтар екінші орында. Үштікті Қостанай дзюдошылары түйіндеді.